જ્વેલરી ડિઝાઇન

સુરત શહેરમાં જ્વેલરી કેડ ડિઝાઇનનું એક ખુબ જ મોટું માર્કેટ છે. જ્વેલરી કેડ ડિઝાઇન કોમ્પ્યુટર પર બેસી સોફ્ટવેરમાં વીટી, બંગડી, બ્રેસલેટ, નેકલેસ, પેંડન્ટ સેટ, મંગળસૂત્ર, ઈયરીંગ જેવી હીરાજડિત ઘરેણાની ડિઝાઇન બનાવવાની રહેતી હોય છે.

જ્વેલરી કેડ ડિઝાઇન કોઈ પણ શીખી શકે છે, કારણ કે ડિઝાઇનને કોમ્પ્યુટર પર બનાવવાની હોય છે અને આજના સમયમાં કોમ્પ્યુટર પર કામ કરવું અને શીખવું એકદમ આસાન અને સરળ છે. તો આવો જાણીએ જ્વેલરી કેડ ડીઝાઇન વિષે…

કોમ્પ્યુટર પર ડિઝાઇન બનાવવાથી ડિઝાઇન જલ્દી બની જય છે અને ફીનીશીંગ પણ સારું આવે છે. ડિઝાઇનમાં ફેરફાર પણ કરી શકાય છે. એનાથી ફાયદો એ થયા છે કે, મેન્યુફેક્ચરિંગ કંમ્પની ને ઓછા સમયમાં, ઓછામાં ઓચ્ચી મહેનતમાં, જેટલું વધારે જોઈએ તેટલું કામ મળી જાય છે. કોમ્પ્યુટર પર ડિઝાઇન બનાવવાથી કારીગરોને ઘરેણાની ડિઝાઇનમાં બહુ જ ઓછો સમય લાગે છે. એટલે કે, સમયની પણ બચત થાય છે. એટલા માટે જ આજના સમયમાં હીરાજડિત ઘરેણાની ડિઝાઇન ૧૦૦% કોમ્પ્યૂટરાઈઝ બનાવવામાં આવે છે.

જ્વેલરીકેડ ડિઝાઇન કોમ્પ્યૂટરાઈઝ બનાવવાથી ખબર પડી જય છે કે, ઘરેણું કેવું બનશે, કેટલા ગ્રામમાં બનશે, કેટલા કેરેટમાં બનશે, તેમાં કેટલા ડાયમંડની જરૂર પડશે, કઈ સાઈઝ ડાયમંડ જરૂર પડશે, એટલે કે, પૂરેપૂરું એસ્ટીમેન્ટ ખબર પડી જય છે. ડિઝાઇન બનાવતાની સાથે જ ખબર પડી જાય છે કે, તેમાં કેવા-કેવા ફેરફાર કરવો છે કે નહિ. ગમે તે ઘરેણું બને તે પહેલા જ તેનું બજેટ પણ ખબર પડી જાય છે અને જો બજેટ વધી જાય તો તેમાં ફેરફાર કરીને આપણે જેવી ડીઝાઇન જોઈતી હોય તેવી બનાવી શકાય છે.